Таэквондочиларимиз Осиё чемпионатини 11 та медал билан якунлади

Мўғулистон пойтахти Улан-Батор шаҳрида таэквондо WТ бўйича Осиё чемпионати ўз якунига етди. Мусобақанинг сўнгги кунида спортчиларимиз 3 та кумуш медалга сазовор бўлишди. 

Муросасиз баҳсларда финалгача етиб борган Диёрбек Тўхлибоев (-68 кг), Жасур Жайсунов (-80 кг) ҳамда Мадина Мирабзалова (-57 кг) кумуш медалга эга чиқишди. 

Шу тариқа, терма жамоамиз қитъа биринчилигида 2 та олтин, 5 та кумуш ва 4 та бронза медалларини жамғарди. Бу ҳақда МОҚ хабар бермоқда.