Суперлигага Италиядан суперҳужумчи келди

Бельгиялик ҳужумчи Ромелу Лукаку “Наполи”дан “Фенербаҳче»га ўтиб, туркияликлар  билан шартнома имзолади. Лукаку “Фенербаҳче” таклифини қабул қилганидан кейин жамоа  мухлисларига мурожаат қилди.

- Ассалому алайкум, қадрли “Фенербаҳче” мухлислари. Сизларнинг клубингизга қўшилиш ва шундай ажойиб тарихга эга жамоанинг бир қисми бўлиш мен учун катта шараф ва имтиёз.

Ростини айтсам, бизда ажойиб жамоа бор. Бундай кучли таркибнинг бир қисми бўлганимдан жуда хурсандман. Ҳар куни қаттиқ меҳнат қиламан, машғулотларда бор кучимни бераман ва жамоага имкон қадар яхши ёрдам беришга ҳаракат қиламан. Жамоа ўйинларда ғалаба қозониши учун майдонда ўтказган ҳар бир дақиқамни қадрлашни хоҳлайман.

Аввало, менга шахс сифатида билдирган ишончи ва футболчи сифатидаги қобилиятларимга ишончи учун раҳбарият ва бош мураббийимизга миннатдорлик билдирмоқчиман.

Мен майдонга чиқишга 100 фоиз тайёрман. Бу мен учун ҳам бироз ҳиссий лаҳза. Чунки кўп йиллардан кейин Туркияга қайтмоқдаман. Биласизлар, болалигимда шу ерда яшаганман ва айнан шу ерда отам билан бирга профессионал футбол оламини кашф этганман. Шунинг учун қайтишим мен учун жуда ўзига хос ва жуда ҳиссий бўлади. Бунинг “Фенербаҳче” билан содир бўлаётганидан ниҳоятда фахрланаман. Қўллаб-қувватлаганингиз учун раҳмат. Тез орада кўришгунча, - деди машҳур тўпурар.

Лукакунинг ушбу сўзларини “Фенербаҳче”нинг расмий сайти келтирган.

Ўтган мавсумда 33 ёшли ҳужумчи клуб сафида барча мусобақаларда атиги 7 та ўйин ўтказиб, 1 та гол урган. У мавсумнинг катта қисмини жароҳат сабабли ўтказиб юборган.

Transfermarkt маълумотига кўра, футболчининг айни пайтдаги бозор қиймати 6 миллион еврони ташкил этади.