Суперлига. Голларга бой ўтганда ўйинда ОКМК "Бухоро"ни мағлубиятга учратди

Суперлиганинг 8-туридан ўрин олган навбатдаги учрашув ўз ниҳоясига етди. 
 
Миржалол Қосимов бошқарувидаги ОКМК ўз уйида "Бухоро"ни қабул қилиб, 3:2 ҳисобида зафар қучди ва муҳим 3 очкони қўлга киритди. 
 
Учрашувнинг 9-дақиқада Сиаваш Ҳақназари Азиз Холмуродовнинг узатмасидан сўнг ҳисобни очди. Орадан 3 дақиқа ўтиб, Миржамол Қосимов фарқни 2 тага етказди ва ўз номини таблога ёздириб қўйди. 
 
"Бухоро" эса 29-дақиқада ҳисобни қисқартирди. Бурчакдан узатилган тўпни Шерзод Эсанов дарвозага тўғрилаб юборди. Бухороликлар 34-дақиқада ОКМК дарвозасига иккинчи голни ҳам урди. Шерзод Эсановдан дубль! 
 
Беллашувнинг 77-дақиқасида Нодирбек Абдураззоқов ғалаба голини киритди ва жамоасига 3 очкони тақдим этди.