Суперлига. "Бунёдкор" — "Андижон": Тарих тошкентликлар фойдасига

Ўзбекистон Суперлигаси 9-турида "Бунёдкор" ўз майдонида "Андижон"ни қабул қилади. Учрашув олдидан жамоаларнинг ўзаро статистикаси мезбонлар яққол устунликка эга эканини кўрсатмоқда.

Томонлар шу пайтгача 30 марта ўзаро тўқнаш келган. Уларнинг 22 тасида “Бунёдкор” ғалаба қозонган, “Андижон” эса фақат икки бор зафар қучган. Яна олти баҳс дуранг билан тугаган.

Тўплар нисбати ҳам тошкентликлар фойдасига — 57:16. Энг йирик ғалабалар ҳам бу устунликни тасдиқлайди: “Бунёдкор” рақибини 6:2 ҳисобида мағлуб этган бўлса, “Андижон”нинг энг йирик ғалабаси 5:1 бўлган.

Маълумот ўрнида, учрашув бугун соат 20:15'да "Бунёдкор" стадионида старт олади.