Суперклуб “Реал”дан уч футболчини олиб кетади

Туриннинг “Ювентус” клуби ёзги трансфер ойнаси даврида таркибини Мадриднинг “Реал” жамоаси ўйинчилари билан кучайтиришни мўлжаллаяпти.

Tuttosport нашри хабар беришича, туринликлар мадридликларнинг  чап қанот ҳимоячиси Фран Гарсия ва ҳужумкор футболчиси Браим Диасга қизиқиш билдирмоқда.

Шунингдек, А Серия клуби мавсум охирида эркин агентга айланадиган марказий ҳимоячи Давид Алабани таклиф қилиш имкониятини ҳам кўриб чиқмоқда.

Transfermarkt баҳосига кўра, 26 ёшли Гарсия ва Диаснинг бозор қиймати мос равишда 12 ва 35 миллион еврони ташкил қилади.

33 ёшли Алабанинг нархи эса 3,5 миллион евро деб баҳоланмоқда.