Суперфутболчи “Юнайтед”ни эмас, “Сити”ни танлади
- 27-январ, 08:06
- Zohir Toshxo’jayev
- 1
- Футбол
Англия Премьер-лигасининг кейинги мавсумлардаги кашфиётларидан ҳисобланган Эллиот Андерсон фаолиятини мамлакатнинг янада кучлироқ клубларида давом эттириш имконига эга.
Бу футболчига бир неча клуб, хусусан, Манчестер шаҳрининг икки жамоаси жиддий қизиқиш билдирмоқда.
The i Paper нашри маълумотларига кўра, Андерсон ўзи оғиз солаётган “Манчестер Юнайтед” ва “Манчестер Сити” орасида танлов қилишига тўғри келса, у Хосеп Гвардиола жамоасини танлайди.
Чунки, айни пайтда “шаҳарликлар” амалга ошираётган лойиҳа бир неча йиллардан бери инқироздан чиқишга уринаётган “Манчестер Юнайтед”никига нисбатан анча жозибадор ва реалроқ кўринмоқда.
Бу мавсумда 23 ёшли Андерсон барча турнирларда 29 та ўйинда қатнашиб, 1 та гол ва 2 та голли узатма амалга оширган. Унинг “Ноттингем Форест” билан шартномаси 2029 йилнинг ёзигача амал қилади. Transfermarkt мутахассислари футболчининг қийматини 60 миллион еврога баҳолашмоқда.