Стол тенниси. Ёш спортчимиз Франциядаги халқаро мусобақада шоҳсупага кўтарилди
- 23-январ 2023, 20:32
- Baxtiyorjon Toshtemirov
- 0
- Стол тенниси
Францияда стол тенниси бўйича “ITTF World Hopes Week & Challenge 2023” халқаро мусобақаси бўлиб ўтди. Унда иштирок этган ёш спортчимиз Аружан Камалова бронза медалига сазовор бўлди. Бу ҳақда Ўзбекистон Миллий Олимпия қўмитаси матбуот хизмати хабар тарқатмоқда.
Манбага кўра, гуруҳ босқичидан муваффақиятли ўтган Камалова чорак финалда мезбон спортчини мағлубиятга учратди. Бироқ ярим финалда таиландлик рақибасига имкониятни бой бериб қўйди. Бронза медали учун кечган баҳсда эса эронлик спортчидан устун келиб, совриндорлар қаторидан жой олди.
Ушбу натижаси билан ҳамюртимиз мусобақанинг март ойида Сингапурда ўтадиган навбатдаги босқичида иштирок этиш ҳуқуқини қўлга киритди.
Изоҳлар (0)
Ҳозирча изоҳлар йўқ