Стол тенниси. Терма жамоамиз жамоавий баҳслардаги иштирокини якунлади

Қозоғистонда ўтаётган стол тенниси бўйича Осиё чемпионати қизғин давом этмоқда. Ортда қолган кун қизларимиз жамоавий дастурдаги иштирокларини якунлашди.

Миллий Олимпия қўмитаси матбуот хизматининг хабар беришича, 11-14 поғоналар учун кечган беллашувда ҳамюртларимиз дастлаб мезбонларни 3:2 ҳисобида мағлубиятга учратишди. 11-ўрин эгаси аниқланган баҳсда Малайзия 3:1 ҳисобида ғалаба қозонди ва қизларимиз мазкур йўналишда 12-бўлишди. Йигитларимиз эса бугун 17-ўрин учун Шри-Ланкага қарши ўйин ўтказишади. Шунингдек, кун давомида ҳамюртларимиз микст ва жуфтлик дастурларида саралаш баҳсларини бошлашади.

Куннинг энг шов-шувли янгилиги 14 ёшли эронлик стол теннисчи Бенямин Фаражи жамоавий дастурда хитойлик жаҳон рейтинги етакчиси Чуцин Ванни мағлубиятга учратгани бўлди.