SPORTS.uz Белград-2021. Бугундан ярим финаллар. Ўзбекистон номидан 2 боксчи финал учун рингга кўтарилади

Сербиянинг Белград шаҳрида бокс бўйича эркаклар ўртасидаги жаҳон чемпионати ҳал қилувчи паллада. Мусобақада чорак финаллар якунланди. Энди навбат ярим финалларга.  

Бугун, 4 ноябрь куни Ўзбекистон шарафини ушбу босқичда 2 нафар боксчимиз ҳимоя қилади. Улар Абдумалик Халаков ва Мадияр Саидраҳимов. Бу ҳамюртларимиз чорак финалда ғалаба қозонгани боис бронза медалларини нақд қилишди. Энди улар олтин медаль учун беллашади.

Абдумалик Халаков (-60 кг) эронлик Даниэль Шахбахш билан рингга кўтарилади. Жанг Тошкент вақти билан тахминан 18:15дан сўнг бошланади.

Мадияр Саидраҳимов (-92 кг) кубалик Ла Круз Пераза билан рингга кўтарилади. Жанг Тошкент вақти билан тахминан 00:45дан сўнг бошланади.