Спортчиларимиз Филиппинга боради

Шу кунларда соҳил волейболи бўйича Ўзбекистон терма жамоаси жорий йилнинг 2 - 6 апрель кунлари Филиппинда ўтадиган “2nd AVC Beach tour Nuvali open” халқаро турнирига тайёрланмоқда.

Тайёргарликнинг илк машғулотлари айни кунларда пойтахтимиздаги Республика олимпия ва паралимпия спорт турлари марказида олиб борилмоқда.

Нуфузли мусобақага ҳозирликнинг иккинчи ўқув-машғулот йиғини 23 март - 1 апрель кунлари Филиппинда давом эттирилади.

4 нафар эркак, 2 нафар волейболчи қизлар ва 2 нафар мураббийдан иборат Ўзбекистон соҳил волейболи терма жамоаси аъзолари мазкур нуфузли турнир ва ўқув-машғулот йиғинида қатнашиш учун 22 март куни Филиппинга йўл олади.