Сон нега МЛС клубини танлаганини айтди!
- 7-август 2025, 04:13
- Bilolbek Imomov
- 0
- Футбол
Хабарингиз бор, Жанубий Корея терма жамоаси сардори Сон Хён Мин АҚШнинг "Лос-Анжелес" клубига ўтди. Лондонликларнинг собиқ футболчиси нега айнан бу клубни танлагани ҳақида ўз фикрлари билан ўртоқлашди:
"Мен "Лос-Анжелес" каби катта мақсадларга эга клубга қўшилганимдан жуда фахрланаман. Бу дунёнинг энг машҳур спорт шаҳарларидан бири.
Бу ерда чемпионлик анъаналари мавжуд ва мен янги тарих ёзиш учун келдим. МЛСдаги янги чақириқни интиқлик билан кутяпман. Мен бу клуб, шаҳар ва мухлислар учун боримни бериб, совринлар ютиш учун келдим", — дея таъриф бериб ўтди кореялик юлдуз.
Эслатиб ўтамиз, 33 ёшли футболчи "Тоттенхэм" сафини тарк этиб, МЛС клуби билан 2027 йил охиригача мўлжалланган шартнома имзолади. Шунингдек, шартномани аввал 2028, сўнг 2029 йилнинг ўртасигача узайтириш имконияти ҳам мавжуд.