"Сўғдиёна" пенальтидан фойдалана олмаган баҳсда мағлуб бўлди
- 19-феврал 2022, 21:34
- Shuhratbek Jo’rayev
- 0
- Футбол
Бугун Жиззахнинг “Сўғдиёна” клуби ҳам Туркияда навбатдаги ўртоқлик ўйинида қатнашди. Бу сафар Улуғбек Бақоев шогирдлари Украинанинг “Минай” жамоасига қарши майдонга тушдилар.
"Сўғдиёна" матбуот хизматининг ёзишича, ўйиннинг 67-дақиқасида “Минай” жамоаси фойдасига пенальти белгиланди. Украиналик Селезнёв унумли фойдаланиб ҳисобни очди.
80-дақиқа ўтиб бораётганида энди “Сўғдиёна” пенальти тепиш имкониятига эга бўлди. Бироқ Аюбхон Нўъмонов 11 метрлик жарима зарбасидан гол ура олмади. Шундай қилиб, ўйин тақдирини ягона гол ҳал қилди.
Изоҳлар (0)
Ҳозирча изоҳлар йўқ