"Сўғдиёна" бош мураббийликка Улуғбек Бақоевни қайтарди

Боя "Сўғдиёна" матбуот хизмати Иван Бошковични бош мураббий лавозимидан истеъфога чиқарилгани ҳақида маълум қилганди. Орадан кўп вақт ўтмасдан унинг ўрнига Улуғбек Бақоев тайинланганини эълон қилди.

"Жамоамизга яхши таниш бўлган, тажрибали мутахассис Улуғбек Бақоев билан келишувга эришилди. У илгари ҳам жамоамиз натижаларига муносиб ҳисса қўшган ва ўзининг профессионал ёндашуви билан ажралиб туради.

Улуғбек Бақоевга жамоамиздаги фаолиятида улкан муваффақиятлар ва омад тилаймиз!", - дейилади расмий хабарда.

Улуғбек Истамович бунгача ҳам 2019-2022 йиллар давомида "Сўғдиёна"ни бошқарган.