Собиқ ҳакам: "Реал" бошқа вазиятда пенальти тепиши керак эди
- 12-март, 13:09
- Bilolbek Imomov
- 0
- Футбол
Собиқ ҳакам Павел Фернандес "Реал" ва "Манчестер Сити" ўртасида бўлиб ўтган Чемпионлар лигаси 1/8 финал биринчи учрашувида (3:0) мадридликлар бошқа вазиятда пенальти тепиши керак бўлганини айтди.
57-дақиқада "шаҳарликлар" дарвозабони Жанлуиджи Доннарумма Винисиус Жуниорни йиқитган эди. Бразилиялик футболчи пенальтини ўзи тепди, аммо гол ура олмади.
71-дақиқада эса Рубен Диаш ва Браим Диас ўртасидаги тўқнашувдан кейин ҳакам Маурицио Мариани 11 метрли жарима зарбасини белгиламади.
"Доннарумма Винисиуснинг тезлашувини тўхтатишга уринаётганда унга тегиб кетди ва Винисиус йиқилди. Аммо у айнан шу контакт туфайли йиқилгани йўқ. Бу — пенальти эмас.
Диаш эса Браим унга яқинлашган пайтда тўпни ёмон қабул қилди. У ўнг оёғи билан тўпни қайта назоратга олди, аммо чап оёғи билан марокашлик футболчини атайлаб йиқитди. Бу эса пенальти эди", — деб ёзди Фернандес.
