Слот Собослаининг четлатилишига муносабат билдирди

"Ливерпуль" бош мураббийи Арне Слот Англия чемпионати доирасида "Манчестер Сити"га қарши ўйинда Доминик Собослаининг майдондан четлатилиши ҳақида фикр билдирди.

Венгриялик футболчи гол уриш учун очиқ имкониятни барбод қилгани сабабли қизил карточка олган эди.

"Менинг ҳис-туйғуларим ўзгармади. Қизил карточкани кўрганимда, Собослаи “Сандерленд”га қарши ўйинда иштирок этмаслигидан хафа бўлдим. Аммо бошқа томондан қараганда, ҳакам ўз вазифасини бажарди, деб ўйлайман. Қоидалар бор ва ҳакамлар уларга амал қилишга мажбур", — деди Слот сешанба куни бўлиб ўтган матбуот анжуманида.

Ҳозирда "Ливерпуль" Англия чемпионати турнир жадвалида олтинчи ўринни эгаллаб турибди.