Слот: "Ливерпуль" бутун мавсум босим остида ўйнамоқда"

Арне Слот "Ливерпуль"нинг Чемпионлар лигаси йўлланмаси учун кураши ҳақида фикр билдирди.

37 турдан сўнг мерсисайдликлар Англия Премьер-лигасида 5-ўринни эгаллаб турибди. Жамоа бир ўйин кам ўтказган "Борнмут"дан 4 очко олдинда бормоқда.

— Биз жуда катта босимни ҳис қиляпмиз, гарчи бутун мавсум давомида шундай вазиятда бўлиб келаётгандек туюлса ҳам. Ҳозир қила оладиган ягона ишимиз — ҳафтани самарали ўтказиш ва яхши тайёргарлик кўриш.

Ҳар доимгидек, мухлисларимиз бизга тўлиқ қўллаб-қувватлов кўрсатишига умид қиламиз. Бугун кечқурун Вилла Паркда бўлиб ўтган ўйинда ҳам бу қанчалик муҳим эканини кўрдик. Худди Энфилддаги каби бирлашиб ҳаракат қилиш жуда муҳим, — деди Слот.