Сизга медиа жанглар керакми ёки ҳақиқатдан кучли тўқнашувлар?

UFC нинг ўрта вазн тоифаси рейтингида иккинчи ўринни эгаллаб турган Нассурдин Имавов БАА вакили Хамзат Чимаев ва америкалик Шон Стрикленд ўртасида жанг ташкил қилиш ғоясини қўллаб-қувватламади.

"Тўғри, гап-сўзлар ва турли ҳақоратлар сабаб бу тўқнашувга қизиқиш ошиши мумкин, бироқ якунда Чимаев Шонни биринчи раунддаёқ йиқитади ва бўғиб қўяди. Буни барчамиз биламиз. Мен ва Хамзат ўртасидаги баҳсда эса трештоклар бўлмайди, лекин жанг шиддатли ўтиши аниқ. Менимча, энди мухлислар қарор қабул қилиши керак. Айтинг, йигитлар, сизларга медиа жанглар керакми ёки ҳақиқатдан кучли тўқнашувлар?" – деди Имавов "ММА Fighting" нашрига берган интервьюсида.

Эслатиб ўтамиз, Имавов "UFC Fight Night 258" турнирида Кайо Борральони ҳакамларнинг якдил қарорига кўра мағлуб этган эди.