“Сити”дан кетган юдузни чемпион клуб чақиряпти

Италиянинг амалдаги чемпиони “Интер” клуби “Манчестер Сити”ни тарк этган тажрибали марказий ҳимоячиси Жон Стоунзга қизиқиш билдираётган навбатдаги жамоага айланди.

Стоунз эркин агент сифатида трансфер бозорида фаол, чунки унинг “Сити” билан шартномаси июнь ойи охирида якунланди. “Шаҳарликлар” ҳали апрель ойидаёқ Жон клубни тарк этишини тасдиқлаган эдилар.

Бундан аввал Стоунз собиқ жамоаси “Эвертон” ва Италия гранди “Ювентус”га ўтиши мумкинлиги ҳақида хабарлар чиққан эди, аммо Sky Sports маълум қилишича, Англия терма жамоасининг 32 ёшли ҳимоячиси “Интер”га йўл олиши ҳам мумкин.

“Интер” айни пайтда марказий ҳимоячи изламоқда. Улар “Челси”дан кетиши кутилаётган Трево Чалобага ҳам қизиққан эди. Бироқ бу ҳимоячи Милан клуби учун жуда қимматлик қилди.