“Сити”да пишган футболчига харидор чиқди
- 26-июл, 10:15
- Zohir Toshxo’jayev
- 0
- Футбол
“Манчестер Сити”нинг собиқ ярим ҳимоячиси, ҳозирда эса Лондоннинг “Фулхэм” клуби шарафини ҳимоя қилаётган Оскар Бобб фаолиятини Италия А Сериясида давом эттириши мумкин.
Retesport нашрининг хабар беришича, 23 ёшли норвегиялик ярим ҳимоячига Италия пойтахтининг “Рома” клуби қизиқиш билдирмоқда.
Римликлар Крисенсио Саммервилл трансфери амалга ошмаганидан сўнг Боббга эътибор қаратган. Нидерландиялик футболчи катта даромад мақсадида Саудия Арабистонининг “Ал-Ҳилол” клубига ўтишни маъқул кўрган.
Оскар жорий йил январь ойидан бери “Фулхэм” сафида ўйнаб келмоқда. Унинг шартномаси 2031 йил ўртасигача мўлжалланган. Футболчининг бозор қиймати 28 миллион еврога баҳоланмоқда.
Ўтган Англия Премьер-лигаси мавсумида у “Фулхэм” сафида 14 та учрашувда иштирок этди.