“Сити”да Бернарду Силва ўрнини “Барса” юлдузи эгаллайди

Испания чемпионатида икки марта кетма-кет ғолиб чиққан “барселона” жамоасининг ҳужумкор футболчиси Дани Ольмо фаолиятини Англия Премьер-лигасида давом эттириши мумкин.

Fichajes нашри маълумотига кўра, испаниялик футболчига “Манчестер Сити” қизиқиш билдирмоқда.

“Шаҳарликлар” бош мураббийи Хосеп Гвардиола Ольмони ёзда эркин агент сифатида жамоани тарк этадиган Бернарду Силванинг ўрнига муносиб номзод, деб ҳисобламоқда.

Дани Ольмо 2024 йилда “РБ Лейпциг”дан “Барселона”га 61 миллион евро эвазига ўтган  эди. Унинг Каталония клуби билан шартномаси 2030 йилнинг 30 июнигача амал қилади.

Жорий мавсумда ярим ҳимоячи барча мусобақаларда 47 та ўйин ўтказиб, саккизта гол ва 10 та голли узатма муаллифи бўлди. Transfermarkt портали Ольмонинг қийматини 60 миллион евро, деб баҳоламоқда.