“Сити” юлдузига саккиз миллион маош таклиф қилинди
- 8-апрел, 05:42
- Zohir Toshxo’jayev
- 0
- Футбол
2017 йилдан бери “Манчестер Сити” шарафини муносиб ҳимоя қилиб келаётган португалиялик ҳужумкор футболчи Бернарду Силва жорий мавсум охирида клубни тарк этиши ҳал бўлган масала ҳисобланади.
Эркин агент мақомини оладиган юлдузга Европа, МЛС ва Саудия Арабистони клублари даъвогарлик қилмоқда.
Италиянинг энг қудратли клубларидан ҳисобланган “Ювентус” Бернарду Силвани катта маош билан ўзига жалб қилишни режалаштириб қўйган.
La Gazzetta dello Sport маълумотига кўра, Турин клуби аллақачон агент Жорже Мендеш билан алоқа ўрнатган. “Ювентус” Силвага яна бир йилга узайтириш имконияти билан уч йиллик шартнома таклиф қилди.
Улар 31 ёшли футболчига ҳар мавсум учун 8 миллион еврогача маош беришни таъкидлаяпти. Бу сумма ўзи “Барселона”га ўтишни истаётган Силванинг фикрини ўзгартириши мумкинлиги айтиляпти.