“Сити” ҳали бу юлдуздан воз кечмади

AS нашрининг хабар беришича, “Манчестер Сити” ҳали ҳам “Челси” ярим ҳимоячиси Энцо Фернандесни сотиб олиш ниятидан қайтмаган. Трансфер бўйича музокаралар яқин кунларда қайта тикланиши кутилмоқда.

Манбага кўра, аргентиналик футболчи «шаҳарликлар»нинг трансфер мақсадлари рўйхатида қолмоқда. Клубнинг унга бўлган қизиқиши бош мураббий Энцо Маресканинг хоҳиши билан сақланиб турибди.

“Челси2 томони қўйган ва 14 август куни муддати тугаган ультиматумга қарамай, томонлар музокараларни давом эттиришга тайёрланмоқда. Асосий масала эса трансфер суммаси бўлиб қолмоқда.

Фернандеснинг ўзи ҳам Мареска билан яна бирга ишлаш учун “Манчестер Сити”га ўтишга қизиқиш билдирмоқда.

Футболчининг кетиш жараёнини тезлаштириш мақсадида “Челси” спорт директорлари машҳур агент Жорже Мендешни жалб қилди. У Энцонинг Лондон клубига ўтишини расмийлаштиришда ҳам иштирок этган ва ҳозирги музокараларда ҳам қатнашмоқда.

Бундан “Челси” эгаси Беҳдад Эгбали ҳам манфаатдор экани таъкидланмоқда.

Энцо Фернандес 2023 йил январидан бери “Челси” сафида ўйнайди. Унинг клуб билан шартномаси 2032 йил ёзигача амал қилади. Transfermarkt маълумотига кўра, футболчининг бозор баҳоси 100 миллион еврони ташкил этади.