“Сити” футболчисига икки даъвогар чиқяпти

“Манчестер Сити” ярим ҳимоячиси Матео Ковачич Англия Премьер-лигасининг бошқа клубига ўтиши мумкин. Бу ҳақда SportsBoom нашри журналистлари хабар бермоқда.

Манба маълумотига кўра, 32 ёшли хорватиялик футболчига “Ноттингем Форест” ва “Астон Вилла” сингари икки кучли клуб жиддий қизиқиш билдирмоқда.

“Шаҳарликлар” Ковачич бўйича тушадиган таклифларни кўриб чиқишга тайёр. Футболчининг клуб билан шартномаси тугашига атиги бир йил қолган. Ковачичнинг ўзи эса мунтазам ўйин амалиётига эга бўлишни истамоқда.

Ўтган мавсумда ярим ҳимоячи барча мусобақаларда 9 та ўйинда майдонга тушиб, 1 та голли узатмани амалга оширди.

Transfermarkt маълумотига кўра, футболчининг бозор қиймати 10 миллион еврога тенг.