“Сити” Бернарду Силва ўрнига Ла Лигадан арзонгина ўринбосар топди

Испания чемпионатида “Жироан” жамоаси шарафини ҳимоя қилаётган иқтидорли ярим ҳимоячиси Аззедин Унаи фаолиятини Англия Премьер-лигасида давом эттириш имкониятига эга бўлди.

Бу футболчига Англиянинг энг қудратли клубларидан ҳисобланган “Манчестер Сити” қизиқиш билдирмоқда.

Англия гранди клубдан кетадиган Бернарду Силва ўрнига марказий чизиқни кучайтиришни истамоқда. El Chiringuito нашри маълумотига кўра, “шаҳарликлар” ўтган жаҳон чемпионатидаги ёрқин ўйини билан танилган Унаи номзодини кўриб чиқмоқда.

Эслатиб ўтамиз, “Жирона” ҳам, “Манчестер Сити” ҳам City Football Group холдингига тегишли.

Ўтган ёзда Аззедин Унаи Франциянинг “Марсель” жамоасидан Каталония клубига 6 миллион еврога ўтган эди.

Transfermarkt портали марокашлик футболчининг ҳозирги бозор қийматини 10 миллион евро деб баҳоламоқда. 26 ёшли футболчи Ла Лигада 19 та ўйинда 5 та гол ва 3 та ассист қайд этган.