Синдаров илк бор жаҳон рейтингида кули учликка кирди
- 15-октябр, 21:44
- Zohir Toshxo’jayev
- 0
- Шахмат
Ўзбекистонлик гроссмейстер Жавоҳир Синдаров классик шахмат бўйича ФИДЕнинг live-рейтинг жадвалида учинчи поғонага кўтарилди.
АҚШ чемпионатида Фабиано Каруана Энди Вудвордга мағлуб бўлганидан сўнг, 20 ёшли Синдаровнинг рейтинги 2782 баллга етди. Шу тариқа у илк бор ўз фаолиятида дунёдаги энг кучли уч шахматчи қаторидан жой олди.
Ҳозирги вақтда ундан юқори ўринларда фақат Норвегия вакили Магнус Карлсен (2823) ҳамда АҚШ шахматчиси Хикару Накамура (2792) жойлашган.
Ўзбекистон шарафини ҳимоя қилаётган яна бир йирик маҳорат соҳиби Нодирбек Абдусатторов эса 2780 балл натижа билан бешинчи ўринни эгаллаб турибди. Шу билан, дунё рейтингининг биринчи бешталигида бир вақтнинг ўзида икки нафар ўзбекистонлик шахматчининг борлиги қайд этилмоқда.
Эслатиб ўтамиз, 2026 йилда Самарқандда ўтказилган 46-Жаҳон шахмат Олимпиадасида Ўзбекистон терма жамоаси ўз майдонида олтин медалларни қўлга киритган эди. 20 ёшли Жавоҳир Синдаров ушбу муваффақиятда ҳал қилувчи ўрин тутди ва унинг ўйини жамоанинг умумий ғалабасига катта ҳисса қўшди.
Шу сабабли, Олимпиаданинг ёпилиш маросимида у расман мусобақанинг энг яхши шахматчиси сифатида эътироф этилди ва эркаклар ўртасида ФИДЕнинг бош совринига сазовор бўлди.