Симеоне клубга бош кўтарган Альваресга қандай муносабат қилишини айтди

Мадриднинг “Атлетико” клуби бош мураббийи Диего Симеоне ҳужумчи Хулиан Альварес билан келгусида қандай муносабатда бўлишини тушунтирди.

Футболчи “Барселона”га қўйиб юборилишини талаб қилмоқда ва атайлаб машғулотларга келмаяпти. Бироқ “Атлетико” клуби очиқ равишда ўз ҳужумчисини тўғридан-тўғри рақиб ҳисобланган “Барселона”га бериш нияти қатъий равишда йўқлигини маълум қилган.

Симеоне Альварес жамоага қайтса, у билан муносабатларни яхшилашга тайёрлигини билдирди.

- Хулиан Альварес жамоа таркибига қайтганида, уни муҳим футболчи эканини ҳис қилиши учун унга керак бўлган барча нарсани берамиз. Хулиан юзага келган вазиятни тўғрилай оладими? Ҳаётда соғлик бўлса, ҳамма нарсани ўзгартириш мумкин, - дея Симеоненинг сўзларини келтиради Mundo Deportivo нашри.