“Шўртан” уч нафар хорижлик футболчи билан шартнома имзолади
- 20-феврал, 17:03
- Abdukarim Atayev
- 0
- Футбол
Янги мавсумга жиддий тайёргарлик кўраётган Ғузорнинг “Шўртан” клуби уч нафар хорижлик футболчини ўз сафига қўшиб олганини маълум қилди.
Бека Ҳаршиладзе — “Шўртан”нинг янги аъзоси!
Суперлигага қайтишни ўз олдига мақсад қилиб қўйган “Шўртан” грузиялик ҳимоячи Бека Ҳаршиладзе билан таркибини кучайтирди. Фаолиятининг асосий қисмини Грузияда ўтказган 25 ёшли футболчининг сўнгги жамоаси Грузиянинг “Сиони Болниси” бўлган. У жамоамиз билан бир йиллик шартнома имзолади.
Леван Барабадзе — “Шўртан” футболчиси!
“Шўртан” яна бир грузиялик ярим ҳимоячи — Леван Барабадзе билан келишувга эришди. Тажрибали футболчи жамоамиз билан бир йиллик шартнома имзолади. Леван ўтган мавсумни Грузиянинг "Спаэри Тбилиси" жамоаси сафида ўтказган.
Роман Вегеря — “Шўртан” футболчиси!
“Шўртан” таркибини яна бир легионер билан кучайтирди. Беларуслик ҳимоячи Роман Вегеря жамоамиз сафига қўшилди. 25 ёшли футболчи ўтган мавсумни Беларуснинг "Арсенал Дзержинск" жамоасида ўтказган. Роман жамоамиз билан бир йиллик шартнома имзолади.
