Шон Стриклендми ёки Хамзат Чимаев?

Енгил вазнда амалдаги UFC чемпиони Илия Топурия ўрта вазн чемпиони Хамзат Чимаев ҳамда америкалик Шон Стрикленд ўртасидаги эҳтимолий жанг ғолибини айтди.

"Хамзат ажойиб жангчи. Агар Чимаев ва Стрикленд ўзаро тўқнаш келса, албатта, чечен ғалаба қозонади", – деди Топурия блогер Адин Росснинг You Tube каналига берган интервьюсида.

Эслатиб ўтамиз, Хамзат Чимаев сўнгги жангини "UFC 319" турнирида Дю Плессига қарши ўтказиб, ҳакамларнинг якдил қарорига кўра ғалаба қозонди. Шон Стрикленд эса "UFC Fight Night 267" турнирида Энтони Эрнандес билан кураш олиб бориб, 3-раундда техник нокаут эвазига зафар қучди.

Ғиёсиддин Уралов тайёрлади