Шон Стрикленд: "Исроилни қўллаб-қувватлашни тўхтатганимдан бери Ариэль Хельвани биринчи рақамли душманимга айланди!"

Таниқли спорт инсайдери Ариэль Хельвани ўрта вазнда амалдаги UFC чемпиони Шон Стрикленднинг шартномаси билан боғлиқ вазият ҳақида гапирди.

"Стриклендни кам маош олаётганидан хафа бўлгани учун асло айбламайман. Менимча, барча жангчиларга кўпроқ тўлаш керак, лекин охир-оқибат у барибир UFC билан битимни имзолади.

Шунинг учун ҳам бу ерда унга ачинадиганлар кам. Шон, сен яна шартларга рози бўлдинг, имзо чекдинг. Биламиз, бутун куч UFC да. Энди сен шартномани қайта кўриб чиқишни талаб қила олмайсан. Битта ғалабадан кейин ҳам кета олмайсан!" - деди Хельвани.

Бунга эса Шон Стрикленд қуйидагича жавоб берди:

"Жин урсин, Ариэлдан нафратланаман. Исроилни қўллаб-қувватлашни тўхтатганимдан бери у менинг биринчи рақамли душманимга айланди...

Хельвани, сен интернетдаги энг нохолис инсонсан. 

Ариэлга дуч келсанг, унинг зулук эканини тушунасан. Дана буни биринчи кундаёқ айтган эди", - деди америкалик ММА устаси.