Шон О'Мэлли: "Оқ уйда Америка вакили россиялик спортчи билан жанг қилиши мантиқан ҳам тўғри"

UFC нинг ўта енгил вазн тоифасидаги собиқ чемпиони Шон О'Мэлли Оқ Уйда бўлиб ўтадиган UFC турнирида амалдаги чемпион Пётр Ян билан жанг қилиш истагини билдирди.

"Оқ уйда Америка вакили Россия вакилига қарши октагонга чиқиши мантиқан ҳам тўғри. Бироқ мухлислар Пётр билан тўқнашувимизни кўришни хоҳламайди. Буни видеоларимга қолдирилган изоҳлардан билиб олишингиз мумкин. Нима ҳам дердим: ҳўп, майли, сиз ҳақсиз. Ян билан Мераб Двалишвили ўртасидаги трилогияни кузатинг. Мен ҳам бир четда томоша қиламан. Бироқ кун келиб, сиз ажойиб имкониятни қўлдан бой берганингиздан афсусланасиз", - дея америкаликнинг сўзларини келтирди "Low Kick MMA" портали.

Эслатиб ўтамиз, Двалишвили "UFC 316" турнирида О'Мэллига қарши реванш ўтказиб, 3-раундда сабмишн эвазига ғалаба қозонганди.