Шон О'Мэлли: "Агар Илия Топурия Жастин Гэтжини ҳам нокаутга учратса..."

Америкалик UFC жангчиси Шон О'Мэлли енгил вазнда амалдаги чемпион Илия Топурия ҳақида гапирди.

"Топурия аввалги жангларида Холлоуэй ва Оливейрани "ухлатиб қўйди". Тасаввур қилинг, агар у Гэтжини ҳам нокаутга учратса, бу Илия учун кетма-кет тўртинчи нокаути билан қозонилган ғалаба бўлади. Тан олиш керак, у ақл бовар қилмас ишларни бажармоқда", - деди америкалик ўзининг YouTube даги каналида.

Маълумот учун, Топурия охирги 3 та жангида – Волкановски, Холлоуэй ва Оливейрага қарши октагонга кўтарилиб, уларнинг барчасида рақибларини нокаутга қилган эди. Энди "Матадор" 14 июнь куни Оқ Уйда Жастин Гэтжи билан куч синашади.