Шомуродов ва Файзуллаевнинг самарали ҳаракатлари “Башакшеҳир”га ғалаба келтирди

Туркия Суперлигасининг 34-туридан ўрин олган навбатдаги беллашув ўз ниҳоясига етди.

“Истанбул Башакшеҳир” сафарда “Газиантеп”ни 2:1 ҳисобида мағлуб этди. Дастлаб, 6-дақиқада Аббосбек Файзуллаевнинг узатмасидан сўнг Дави Зельке ҳисобни очган бўлса, 22-дақиқада Элдор Шомуродов пенальтини аниқ амалга ошириб, орадаги фарқни иккитага оширди.

Мезбонлар футболчиси Кристофер Лунгой 59-дақиқада ҳисобни қисқартиришга муваффақ бўлди. Қолган вақт давомида бошқа гол киритилмади.

Шу тариқа, Нури Шаҳин шогирдлари ўз очколари сонини 57 тага етказиб, турнир жадвалида 5-ўринда бормоқда.