Шомуродов Туркия Суперлигасида яна бир статистикада пешқадам

Туркия Суперлигасининг жорий мавсуми ўз ниҳоясига етди. “Истанбул Башакшеҳир” шарафини ҳимоя қилган ҳамюртимиз Элдор Шомуродов учун мавсум жуда омадли кечди.

Ҳужумчи чемпионат давомида 34 та учрашувда майдонга тушиб, 22 та гол урди ва Туркия Суперлигасининг “Олтин бутса”сини қўлга киритди.

Шунингдек, Шомуродов яна бир муҳим статистикада яққол пешқадам бўлди. Гол + ассист тизимида ўзбекистонлик форвард 27 очко жамғарди — 22 та гол ва 5 та ассист.

Бу борада кейинги ўринларни Пол Онаучу, Талиска, Марко Асенсио ҳамда Виктор Осимхен эгаллади.

Маълумот учун, “Истанбул Башакшеҳир” мавсумни 57 очко билан 5-ўринда якунлади.