Шомуродов ўзбекистонлик боксчиларга омад тилади

Хабарингиз бор айни дамда Италиянинг Бусто Арсицио шаҳрида Париж-2024 Олимпия ўйинлари учун йўлланма берувчи 1-Жаҳон квалификацион турнири бўлиб ўтмоқда. 

Боксчиларимизни қўллаб-қувватлаш учун Ўзбекистон футбол терма жамоаси сардори ва Италиянинг "Кальяри" клуби ҳужумчиси Элдор Шомуродов “E-Work" аренага ташриф буюрди. Шомуродов ўзбекистонлик чарм қўлқоп усталарига бўлажак жангларда омад тилади.

Эслатиб ўтамиз, 28 ёшли ҳужумчи кеча А Сериядан ўрин олган "Салернитана"га қарши учрашувда дубль қайд этган эди.