Шомуродов “Олтин бутса” учун кечган курашга муносабат билдирди

Элдор Шомуродов Туркия Суперлигасининг 2025/26 йилги мавсумида энг яхши тўпурар бўлди. Ҳужумчи 34 та учрашувда майдонга тушиб, 22 та гол киритди.

Сўнгги турда “Газиантеп”га қарши баҳсдан кейин Шомуродов тўпурарлик учун кечган кураш ҳақида ўз фикрлари билан ўртоқлашди.

“Албатта, жуда хурсандман. Жамоамга ҳам катта раҳмат айтаман, чунки мен бу натижага ёлғиз эриша олмасдим. Биз жуда яхши мавсум ўтказдик ва чемпионатни 5-ўринда якунладик. Энди эса кубок финалини кутяпмиз. Бу ўйинда “Трабзонспор”ни қўллаб-қувватлаймиз”, — деди ўзбекистонлик форвард.

Маълумот учун, “Истанбул Башакшеҳир” мавсумни 57 очко билан 5-поғонада тугатди. Агар “Трабзонспор” Туркия кубоги финалида ғалаба қозонса, Нури Шаҳин шогирдлари Конференциялар лигаси йўлланмасига эга чиқади.