Шомуродов Мессини танладими ёки Роналдуни?

Ўзбекистон миллий терма жамоаси тарихида энг кўп гол уриш бўйича рекорд ўрнатган Элдор Шомуродов “Нима гап?” подкастида футбол борасида ўз фикр-мулоҳазаларини билдирди.

Шунингдек, Элдор футбол оламида кейинги йилларда энг кўп кўтарилган саволга жавоб беришига тўғри келди. Ундан Криштиану Роналду ва Лионель Мессидан қай бири кучлироқ эканини ва кимни танлашини сўрашди.

Суҳбат давомида Элдор Шомуродовга қисқа, аммо кўплаб футбол мухлисларини иккига бўлиб келаётган ўша машҳур савол берилди: Роналду ёки Месси?

31 ёшли ўзбек ҳужумчиси уларни бир биридан устун қўмайди ва аксинча, ҳар иккисига ҳам муносабати яхши эканини айтди.

- Иккаласини ҳам танлайман. Чунки кўпчилик айтадиган фикрларга мен ҳам қўшиламан: Месси – ҳақиқий талант, Роналду эса меҳнат самараси, - дейди ўзбекистонлик форвард.

Шомуродовнинг фикрича, икки афсона футболдаги энг юқори даражага турли йўллар орқали етиб келган. Бири табиий иқтидори билан ажралиб турган бўлса, иккинчиси интизом ва тинимсиз меҳнат рамзига айланган.

Элдор Шомуродов томошабин сифатида Лионель Мессининг ўйинларини кузатишни кўпроқ ёқтиришини яширмади.

- Менга Мессининг ўйинини кузатиш кўпроқ ёқади, - деди Элдор.

Бу танлов, аввало, аргентиналик футболчининг майдондаги ўйин услуби билан боғлиқ. Мессининг тўп билан ҳаракатланиши, вазиятни олдиндан кўра билиши ва кутилмаган қарорлари уни миллионлаб мухлислар учун ўзига хос футболчига айлантирган.

Элдорнинг фикрича, Роналдунинг ҳам ўзига яраша такрорланмас устунликлари бор. Португалиялик юлдузни узоқ йиллар давомида юқори даражани сақлаб келётгани учун ҳам кўпчилик қатори Шомуродовнинг ҳам ҳурматини қозонган.

- Роналдуни ҳам қаттиқ ҳурмат қиламан. Чунки у шунча йилдан бери бқори даражада ўйнаяпти, - деди Криштиану Роналду билан майдонда бир неча бор тўқнаш келган Элдор Шомуродов.

Айрим мухлислар ва ҳатто экспертлар ҳам Криштиану Роналдунинг ўз кучига бўлган юқори ишончини унинг салбий жиҳати сифатида баҳолайди. Шомуродов эса бунга бошқача нуқтаи назардан қаради. Ўзбекистон терма жамоаси сардорининг фикрича, Роналдунинг ўзига бўлган чексиз ишончи ва доимо энг яхши бўлиш истаги уни узоқ йиллар давомида футбол чўққисида ушлаб турган асосий омиллардан бири бўлган.

- Баъзилар унинг эгоси жуда кучли дейди. Менимча, айнан шу эго уни ҳозирги даражага етказган, - беган фикрни билдирди Элдор.

Шомуродовнинг жавобидан кўриниб турибдики, унга футбол томоша қилиш нуқтаи назаридан Мессининг ўйин услубини ёқтиради. Аммо профессионаллик, меҳнат ва характер борасида Роналдунинг салоҳиятини эътироф этади.

"Челси" уни олиб қолса, Ҳусановнинг ҳолатига ўхшаш манзара юз беради

Бу ақлга сиғмайдиган нарса! Ҳусановнинг собиқ клубига Англиядан ғалати таклиф келди

Ўзбекистоннинг гуруҳдаги рақиблари маълум бўлди

Ҳусанов синган оёқ билан майдонга тушганини тан олди

Ўзбекистон терма жамоаси ўйини катта рекорд ўрнатди