Шоҳрух Гадоев ОКМКни тарк этди

Олмалиқнинг ОКМК жамоаси Шоҳрух Гадоев билан хайрлашди.

"Барчаси учун раҳмат, Шоҳруҳ! 2021 йил 9 февралда жамоамизга келиб қўшилган Шоҳруҳ Гадоев бугун клуб билан шартномасининг тугаши муносабати билан жамоани эркин агент мақомида тарк этади. Шоҳруҳнинг жамоамизга қўшган ҳиссаси, ўзининг фидойилиги ва садоқати ҳеч қачон унутилмайди.

Жамоамизнинг аҳил оиласи Шоҳруҳга клубдаги фаолияти давомида қилган барча саъй-ҳаракатлари ва жамоамизнинг ютуқларига қўшган ҳиссаси учун самимий миннатдорчилик билдиради.

Собиқ футболчимизга келажакдаги барча ишларида омад, зафар ва муваффақиятлар тилаймиз. Умид қиламизки, у ўзининг янги йўналишларида ҳам шундай юксак марраларни забт этади. Шоҳруҳ, сен доимо бизнинг жамоамизнинг бир қисми бўлиб қоласан", - дейилади "кончилар" матбуоти хабарида.