Шоҳжаҳон Эргашев тезкор ғалабага эришди!

Ҳозиргина Самарқандда ўтказилган "Top Seven Fighters" промоутерлик компанияси томонидан профессионал бокс оқшоми ўз ниҳоясига етди.

Кечанинг марказий тўқнашувида таниқли боксчимиз Шоҳжаҳон Эргашев ҳиндистонлик Гурприт Сингҳга қарши рингга кўтарилди.

1-раунддаёқ ҳамюртимиз рақибининг жигар қисмига кучли зарба йўллади ва Гурприт баҳсни давом эттира олмади. Шу тариқа Эргашев профессионал фаолиятидаги йигирма олтинчи ғалабасини қўлга киритди.