Шавкат Мирзиёев шахмат Олимпиадасининг ўзбек чемпионлари бўйича қарор қабул қилди

Ўзбекистон Президенти Шавкат Мирзиёев 46-Жаҳон шахмат олимпиадасида қўлга киритилган ғалабадан сўнг эркаклар ва аёллар терма жамоалари аъзолари, уларнинг мураббийлари ҳамда Шахмат федерацияси вакилларини давлат мукофотлари билан тақдирлаш тўғрисидаги фармонни имзолади. Бу ҳақда Президент расмий сайти хабар берди.

Фармонга мувофиқ, юксак шараф ҳисобланган «Ўзбекистон ифтихори» фахрий унвонига Муҳиддин Мадаминов сазовор бўлди. «Ўзбекистон Республикасида хизмат кўрсатган спортчи» унвони билан эса Нодирбек Абдусатторов, Шамсиддин Воҳидов ва Нодирбек Якуббоев тақдирланди.

Эркаклар терма жамоасининг бош мураббийи Рустам Қосимжоновга «Ўзбекистон Республикасида хизмат кўрсатган спорт устози» унвони берилди. 

Мукофотланганлар орасида шунингдек Жавоҳир Синдаров бор — у «Фидокорона хизматлари учун» ордени билан тақдирланди. Жаҳонгир Ваҳидов эса «Мардлик» орденига лойиқ топилди.

Фармонда спортчилар, мураббийлар ва мутахассисларнинг 46-Жаҳон шахмат олимпиадасидаги муваффақиятли иштирокидаги хизматлари алоҳида қайд этилган. Мазкур нуфузли мусобақа илк бор Самарқанд шаҳрида ўтказилди. Ўзбекистон эркаклар терма жамоаси 11 турда 20 очко тўплаб, умумий ҳисобда ғолибликни қўлга киритди. Бу ўзбек шахматчилари учун 2022 йилдаги зафардан сўнг иккинчи олимпия олтини ҳисобланади.

Давлат мукофотлари билан аёллар терма жамоаси ва парашахмат жамоаси вакиллари, шунингдек, Ўзбекистон Шахмат федерацияси ходимлари ҳам тақдирланди.