Шаҳрам Ғиёсовнинг вазнида чемпионлик жанги эълон қилинишга яқин

Икки вазн тоифасида собиқ жаҳон чемпиони Теофимо Лопес ва ярим ўрта вазнда WBA чемпиони Роландо Ромеро август ойида Лас-Вегасда жанг ўтказишга оғзаки розилик берди. Бу ҳақда музокаралар жараёнидан хабардор икки манба "BoxingScene" нашрига маълум қилди.

Жанг Ромерога тегишли чемпионлик камари учун ташкил этилиши кутилмоқда. 17 ғалаба (13 таси нокаут) ва 2 мағлубиятга эга Роландо бир йилдан ортиқ вақт давомида рингга кўтарилмади. Унга қарши жанг қилиш эҳтимоли бор рақиблар – Конор Бенн, Мэнни Пакьяо ва Дэвин Хейни билан музокаралар олиб борилган, бироқ битимга эришишнинг иложи бўлмаган.

Маълумот учун, ярим ўрта вазндаги WBA рейтингида ҳамюртимиз Шаҳрам Ғиёсов 8 ўринни эгаллаб турибди.