“Севилья” ҳеч қачон бунақа шарманда бўлмаган

Испаниянинг энг машҳур жамоаларидан бири “Севилья” учун янги мавсум ўта муваффақиятсиз бошланди.

Андалусияликлар дастлабки учта турда “Валенсия”, “Алавес” ва “Жирона”дан мағлубиятга учради. “Севилья” Ла Лигаданинг 20 та иштирокчиси орасида ҳали бирорта очкони қўлга киритмаган ягона жамоа ҳисобланади.

Хосе Луис Мендилибар шогирдлари мусобақа жадвалининг энг қуйи поғонасига тушиб қолган.

Маълумотларга қараганда, бу кўрсаткич клуб тарихидаги энг ёмон натижа сифатида қайд этилди. “Севилья” Испания юқори дивизионида шу пайтгача ҳеч қачон кетма-кет уч марта мағлубият аламини тотиб кўрмаган эди.

Энди бу жамоана янада қийин синов кутиб турибди. 3 сентябрь куни “Севилья” Мадридда “Атлетико” жамоасига қарши ўйнаши керак.