Серхио Рамос собиқ жамоасини сотиб оладиган бўлди

Испания футболидаги энг ёрқин ўйинчилардан Серхио Рамос ўзини тарбиялаган “Севилья” клубини сотиб олиш ва унга эгалик қилишни режалаштиряпти.

Рамос у жамоа таркибида икки марта – 2004-2005 ҳамда 2023-2024 йилги мавсумларда тўп тепган. Орада у узоқ вақт “Реал”да ва икки мавсум “Пари-Сенжермен”да ўйнади. Яқинда Мексика чемпионатида “Монтеррей” сафидаги қисқа муддатли фаолиятидан кейин тажрибали ҳимоячи яна Европа футболчига қайтишга қарор қилди.

Carrusel Deportivo ва El Larguero нашрларининг хабар беришича, 39 ёшли футболчи “Севилья”ни сотиб олиш бўйича расмий ариза топширган. Таъкидланишича, у клубга жиддий сармоя киритишга тайёр бўлган инвесторлар гуруҳига бошчилик қилмоқда. Рамос ва унинг шериклари томонидан берилган лойиҳа аввалги барча таклифлардан ҳам юқори экани айтиляпти.

Қайд этилишича, “Севилья” бир неча йилдан бери молиявий қийинчиликларни бошдан кечирмоқда, шу сабабли клубни сотиш қарорининг қабул қилиниши раҳбарият учун мантиқий қадам сифатида кўринмоқда.