Серхио Рамос ўзига янги жамоа танлади

Мадриднинг "Реал" клуби собиқ сардори Серхио Рамос Франция клубига ўзини таклиф қилди.

"Marca" нашри тарқатган хабарларга кўра, "Реал Мадрид" клуби ва Испания терма жамоаси собиқ сардори ўз хизматларини Франциянинг "Марсель" клубига таклиф қилди. Бироқ футболчининг француз клуби билан шартнома имзолаши даргумон. Қайд этилишича, Рамос мавсум охиригача "Севилья"да текинга ўйнаш истагини билдирган, бироқ андалусияликлар бу таклифни рад этган. Чунки футболчи яқин келажакда клуб хўжайинига айланиши мумкин. 39 ёшли ҳимоячи йил бошида Мексиканинг "Монтеррей" клубини тарк этганидан буён, эркин агент мақомида бўлиб турибди.

Маълумот учун, Рамос 2005-2021 йиллар оралиғида "қироллик клуби" шарафини ҳимоя қилган.