Серхио Рамос Ла Лига клубини сотиб олишга яқин

Испания терма жамоасининг собиқ футболчиси Серхио Рамос “Севилья”ни сотиб олиш учун яна бир муҳим қадам ташлади. Five Elleven Capital сармоя гуруҳи вакили жамоанинг асосий акциядорлари Рамос билан бир неча соатлик музокаралар ўтказди, дея хабар бермоқда Mundo Deportivo. 

Маълум қилинишича, учрашув клубнинг молиявий текширув жараёни якунланганидан сўнг ўтказилган. Энди жараён сотиб олиш таклифини кўриб чиқиш босқичига ўтган. “Севилья” тарбияланувчиси бўлган Рамос аллақачон музокаралар муваффақиятли амалга оширилаётганига ишора қилган.

3 йил олдин “Севилья” Европа Лигасига эга чиққанди. Жорий мавсумда эса клуб Ла Лигада қолиш учун ҳаракат қилди, бу вазифа деярли бажарилган бўлса-да, “Севилья” ҳам спорт ҳам молиявий жиҳатдан қийин даврни бошидан ўтказмоқда. 

Эслатиб ўтамиз айни дамда Луис Гарсиа шогирдлари Испания чемпионатида 13-ўринни эгаллаб турибди. Мавсум якунига кадар яна уч тур бор.

Абдувалиев Азиз