Серхио Рамос ҳозирча “Севилья”ни сотиб олиш бўйича келишувга эриша олмади

“Реал Мадрид” ва “Севилья”нинг собиқ ҳимоячиси Серхио Рамоснинг андалусиялик клубни сотиб олиш режаси муаммога учради.

Аввалроқ Рамос ва инвесторлар гуруҳи “Севилья”ни 444 миллион еврога сотиб олиш бўйича келишувга эришгани ҳақида хабарлар тарқалган эди. Бироқ The Athletic маълумотига кўра, томонлар ҳали якуний битимга кела олмаган.

Манбага кўра, музокаралар боши берк кўчага кириб қолган. Рамос томони янги шартлар таклиф қилган, аммо ҳозирча муроса эҳтимоли паст баҳоланмоқда.

Шунингдек, 31 майдан бошлаб клуб эгалари бошқа харидорлар билан ҳам музокара ўтказиши мумкинлиги айтилмоқда.