Серхио Рамос энди концерт бермоқчи

Серхио Рамос "Реал"нинг уй стадионида концерт бермоқчи. 

Аввалроқ, мадридликларнинг собиқ ҳимоячиси "Cibeles" трекини чиқарганди. Қўшиқ матнида Рамос клубга бўлган муҳаббатини таъкидлаб, Чемпионлар лигасининг 2013/14 мавсумидаги финал баҳсида 90+4-дақиқада урган голини эслатиб ўтганди. Испаниялик қўшиқ матнида карьерасининг якунида клуб уни қўллаб-қувватламаганини танқид қилганди. 

"Умид қиламанки, келажакда "Сантьяго Бернабеу"да концерт бериш имкониятига эга бўлсам, ажойиб бўларди". 

Бироқ биз босқичма-босқич ҳаракат қилишимиз керак", - деди айни вақтда "Монтеррей"да тўп тепаётган Рамос.