Сергей Семак Вадим Абрамов жамоаси ҳақида: "Динамо"ни ҳам яхши даражада эканини кўрдик"

Абу-Дабида ўтган «Зенит» - «Динамо» (1:0) учрашувидан кейин Россия клуби бош мураббийи Сергей Семак «Матч ТВ» телеканали, «Зенит» ҳамда «Динамо» клуби матбуот хизматига интервью берди.

Россиялик мутахассис Санкт-Петербург ва Самарқанд клублари ўртасидаги ўйин асабий ва муросасиз ўтгани, «Динамо»нинг ўйини унга ёққани ҳақида гапириб, Ўзбекистон миллий жамоасига ҳам "ЖЧ-2026" да омад тилади. Семак «Ан-Наср»дан таклиф этилган Жон Дюран трансферига ҳам тўхталди. Колумбиялик форвард «Динамо» билан ўйинни стадиондан кузатиб борди.

«Бу ўйин футболчиларимиз йиғин давомида 90 дақиқадан ҳаракат қилган биринчи баҳс бўлди. Учрашувни жароҳатларсиз якунлангани хурсанд қилади. Ўйин сифати, интенсивлик жиҳатдан ҳам яхши ўтди. Баъзида жисмоний жиҳатдан куч етмагандек бўлди, умуман олганда, ҳаммаси яхши. Бу қўпол ўйин эмас, жанговар, яккакурашларга бой баҳс деган бўлардим. Айни дамда бу керак. 

«Динамо» билан ўйин ва жамоанинг ўзи менга ёқди. Анча тезкор ва агрессив жамоа. Бундай баҳсларда ҳисобга унча эътибор бермаслик керак. Жамоа анча яхши ҳаракат қилди, агрессив ўйнашга интилди. Таркибидаги ўйинчилар ҳам яхши даражада экан. Жамоа ҳам яхши даражада эканини кўрдик. Умуман олганда, ўзбек клублари билан ҳар сафар ўйин ўтказишдан мамнунман. Ҳар ҳолда бу мамлакат бизга бегона эмас, "ЖЧ-2026" да ўйинларига бефарқ бўлмаймиз, кузатиб борамиз», - деди Сергей Семак ўйиндан кейин.