Сенга Мадридда “нон” йўқ! Арбелоа янги жамоасига “Реал” футболчисини чақирди
- 19-июл, 15:44
- Zohir Toshxo’jayev
- 0
- Футбол
Англия Премьер-лигасининг “Фулхэм” жамоасига бош мураббий этиб тайинланган Альваро Арбелоа “Реал” ярим ҳимоячиси Сесар Паласиосни ўз жамоасига олиб келишдан манфаатдор.
AS нашри хабарига кўра, испаниялик мутахассис клуб раҳбариятидан 20 ёшли футболчининг трансфери имкониятларини ўрганишни сўраган.
Паласиос ҳозирда “Реал”нинг асосий жамоаси билан мавсумолди йиғинини бошлаган, бироқ келаси мавсумни бошқа клубда ўтказиши кутилмоқда.
Аввалроқ ярим ҳимоячи “Комо”га ўтишга жуда яқин келган ва ҳатто Италия клуби билан оғзаки келишувга эришган эди. Аммо якунда битим амалга ошмади.
Футболчига “Порту” ва “Осасуна” ҳам қизиқиш билдирган, бироқ ҳозирча музокаралар аниқ натижа бермаган.
Арбелоа шу ёзда “Реал” тизимидаги кўп йиллик фаолиятидан кейин “Фулхэм”ни қабул қилиб олди ва академияда яхши таниган футболчилар билан яна бирга ишлашни истамоқда. Аввалроқ у раҳбариятдан Гонсало Гарсия, Фран Гарсия ва Франко Мастантуонони ҳам таклиф қилиш имкониятини кўриб чиқишни сўраган.