“Сен Россия биланмисан ўзи?” Кутилмаганда Россия Спорт вазири Валерий Карпинни кескин танқид қилди! Жавоб ҳам узоқ куттиргани йўқ!

Барчаси Валерий Карпиннинг Эрон билан ўйиндан аввалги матбуот анжуманида билдирган фикридан сўнг бошланди. Мутахассисга натижалар ёмон бўлса, терма бош мураббийи ўзгариши мумкинми қабилидаги савол берилди. Карпин қисқа, аммо кескин фикр билан жавоб қайтарди:

“Қўйсангизчи, агар мураббийни ўзгартириш нимадир ҳал қилса, тушунган бўлар эдим.Бу лавозимда қолишга ҳеч ким интилаётгани йўқ йўқ.”

Теҳрондаги ўйин якунига етгач, мураббий худди шу фикрни давомини билдиргандек таассурот қолдирди:

“Агар Ироқ билан ўйинда енгилсак, истеъфо бераманми? Хўш, бу нимани ўзгартиради? Бизни ортга қайтарадими? Йўқ. Мени “Ростов”да бўлганидек, терма жамоада ҳам мураббийлик курсисига ёпишиб олмаганман. Менга терма билан ишлаш ёқади, аммо ишдан олишса, бу фожиа эмас. Бундан ўлиб қолмайман!”

Бу сўзлар оав томонидан бутун мамлакат бўйича ёйилгач, Россия спорт вазири – Олег Матицин дарров реакция билдирди.

“Россия терма жамоасининг бош мураббийи – бу мамлакатнинг юзи саналади. Мураббий тактика ва стратегиядан ташқари, шогирдлари учун ҳаётда ҳам ўрнак бўлишга одатланиши лозим. Унинг айтган ҳар бир сўзи футболчилар билан биргаликда, миллионлаб ишқибозлар учун ҳам таъсир этувчи восита саналади. Мамлакат байроғи учун ҳар бир ўйинда бор кучини спортчилар майдонга ташлаб чиқиб кетиши керак.

Спорт соҳасида бефарқликни намойиш этиш, бош берк кўчага кириб қолгандек гап!. Шундай экан, сен яхшилаб аниқлаб ол. Биз биланмисан ёки йўқ?”,- деб фикр билдирди айни дамда Хитойда хизмат сафари билан бўлиб турган Олег Матицин.

Аввалроқ ҳам Карпин терма постини топшириши мумкинлиги ҳақида миш-мишлар пайдо бўлган, аммо якунда мутахассис 2024-йилга қадар мўлжалланган контрактга имзо чеккан эди. Воқеалар ривожини кузатишда давом этамиз.