Сен клубдан узоқроқ юр! Директорни ҳайдашяпти
- 6-март, 19:56
- Zohir Toshxo’jayev
- 0
- Футбол
Англия Премьер-лигасида ишлари юришмаётган “Ноттингем Форест” хўжайинлари клуби директори Эдуга клубга яқинлашмасликни уқтирди.
Эду ўтган ёзда “Ноттингем Форест”нинг футбол департаменти глобал раҳбари лавозимига тайинланган эди. У бу вазифани қабул қилиш учун “Арсенал”ни тарк этган.
Бироқ мураббийлар тез-тез алмашиши ва шубҳали трансферлар Эду билан клуб эгаси Евангелос Маринакис ўртасидаги муносабатларни ёмонлаштирди.
Эду клубни тарк этиши мумкинлиги ҳақидаги миш-мишлар анчадан бери юрибди. The Telegraph нашри эса амалда бразилиялик директор учун “Ўрмончилар” клубидаги иши аллақачон тугаганини тасдиқлади.
“Ноттингем Форест” хўжайинлари Эдуга клубнинг машғулот базаси ва стадионига келмасликни сўради. Энди фақат Эдунинг ишдан бўшатилиши қачон расман эълон қилиниши масаласи қолди холос.
Ўтган ёзда клуб янги футболчилар учун тахминан 200 миллион фунт сарфлади, бироқ бу мавсумда жамоа фақат кутилганидек юқори ўринлар учун эмас, балки Премьер-лигада жон сақлаб қолиш учун курашишига тўғри келмоқда.
Февраль ўртасида жамоа Витор Перейрага топширилганидан кейин “Форест” Премьер-лига тарихида бир мавсумда тўртта турли доимий бош мураббийга эга бўлган биринчи клубга айланди.